If we had no faults of our own, we would not take so much pleasure in noticing those of others. ~Francois duc de la Rochefoucauld

Hmmm... þetta er nú ekki sérlega gott hjá mér - þetta blogg -  ég er svo hugmyndasnauð... en nú er best að reyna - setja einhverja vitleysu á blað - og myndir - já myndir bjarga öllu...
Lífið gengur sinn vanagang hér í Rolystone - búið að rigna mikið, sem er gott fyrir gróðurinn (þessi er handa þér Steina - þekkir þessa setningu vel)... en það er hlýtt, alla vega á daginn, stundum skítkalt á nóttunni, undarlegt þar sem hitamælirinn stendur í 15-20° - það þykir nú þokkalegur hiti á klakanum..Ég hef gert töluvert af því að þvælast um Perth og nágrenni - annað hvort keyrandi á bílnum hennar Unnar - með stýrið öfugu megin;°)... eða í lest og strætó - mest finnst mér gaman að setjast einhvers staðar með góðan kaffibolla og horfa á fólkið sem framhjá fer - það er svo magnað hvað það eru til margar "sortir" af manneskjum - sumar skrítnar - sumar "eðlilegar" - sumar hvítar - aðrar brúnar - sumar tala við sjálfa sig - aðrar hreyta ónotum í hina - sumir láta sig ekki munar um að berja konuna sína á almannafæri og enginn skiptir sér af, ekki einu sinni löggan... samanber þessi með gítarinn, hann kallaði hana öllum illum nöfnum og gaf henni svo einn á´ann, en hún hélt nú samt áfram að vera hjá honum, svo ég hætti bara að vorkenna henni og labbaði í burtu eins og allir hinir.... "þangað vill hesturinn, sem hann er kvaldastur" - segir einhvers staðar...

 Þessi mynd er tekin út um bílgluggann - voru föst í umferð - og mér fannst þetta svo fallegt tré, að ég stóðst ekki mátið að taka mynd..

 ...þessi er tekin á sama stað - þetta er Bjölluturninn - Bell Tower - sem er á bökkum Swan River... þetta er eitt af aðal einkennum borgarinnar og sá staður sem flestir ferðamenn skoða...

"The Bell Tower includes the twelve bells of St Martin-in-the-Fields, which are recorded as being in existence from before the 14th century and recast in the 16th century by Queen Elizabeth I. The bells were again recast between 1725 and 1770 by three generations of the Rudhall family of bell founders from Gloucester in England, under the order of the Prince of Wales who was later crowned as King George II. They are one of the few sets of royal bells and are the only ones known to have left England"

 ...við rákumst líka á þetta skilti - svona rétt ef einhver væri til í að kaupa höll  - 2007 hvað...!!!

...og auðvitað þurfum við að borða svona stöku sinnum allavega - þetta var æðislegur "lunch"...

...tyrkneskt brauð - grænmetisrúllur - djúpsteiktar rækjur - kjúklingur og steiktar núðlur - capers-sýrður rjómi...

...hér á heimilinu búa 2 kettir - þetta er "Júsímí" - fannst hún svo fyndin þegar hún sofnaði hjá tusku-tígrisdýrinu hennar Unnar...

...ég lallaði inn á markað um daginn og sá þar þessi líka fallegu strútsegg - mikið skrambi hefði ég verið til í að prófa eitt - en...  svo voru þau líka bara ódýr - eki nema 8$ - ca. 960 kr...!!

...þessi "aborigani" sat og spilaði - eða blés - í þetta "DIDGERIDOO" - svakalega heillandi hljóð sem kemur úr þessu ....

...rakst á þennan karekter - mikið dj.... var ég orðin pirruð á kjaftaganginum í honum - hann blaðraði sífellt um hvað hann ætlaði að gera - og ég - asninn - beið og beið - svona til að geta tekið mynd - tók mig klukkutíma að taka þessar tvær myndir .... gaf honum sko ekki krónu fyrir...

...þetta er orðið gott í bili - nú er sólin farin að skína og hitinn að stíga - merkilegir dagar framundan hér í Perth, því Elísabet Englandsdrottning er hér í heimsókn - það verður eitt allsherjar útigrill á laugardaginn - henni til heiðurs - áætlað er að um 100 þús. manns komi ... held að við grillum bara hérna heima og horfum á hana í sjónvarpinu - sjáum hana betur þar...

Blóm og matur....

Við Unnur skruppum niður í miðbæinn - svona rétt til að kíkja á fólkið þar - alveg makalaust hvað það eru til margar útgáfur af sérstöku fólki...

Þetta "listaverk" virkaði nú á mig eins og risastór blaðra.... skil ekki svona hörmung á annars fallegu torgi..

Séð yfir torgið fyrir fram járnbrautarstöðin í Perth...

Ég vildi stundum óska að ég hefði myndavel með aðdráttarlinsu - kann ekki við að vera að taka myndir af fólki, sem sér hvað ég er að gera...  Maður rekst á "aboriginal" fólk - sem  oft er ekki alveg sátt við þetta "hvíta drasl" sem er búið að yfirtaka þeirra svæði... mætti konu sem bölvaði öllum sem gengu framhjá og hafði yfir setningar sem ekki eru prenthæfar hér...

Unnur ákvað að elda handa mér sérréttinn sinn - kræklinga í skel - var nú ekki allveg viss um að þetta væri "minn" matur - en lét það nú ekki á mig fá - enda ákveðin í að prófa allt sem hægt er að prófa - eða þannig..

Nema hvað - ég skipti snarlega um skoðun - þetta reyndist vera algert yummi   - hún er snillingur að elda hún frænka mín .... á sko eftir að prófa þetta heima....

Á sunnudaginn fórum við í hádegismat á kínverskt veitingahús með Kerry vinkonu þeirra - svolítið sérstakt - því maður  pantar ekki mat á venjulegan máta - heldur koma þjónar með mat - ganga á hvert borð og spyrja hverjir vilja svona ....

Eftir matinn ákváðum við að fara og skoða garð - þó það væri 36° hiti!!!! Garðurinn var rosalega fallegur - hjón höfðu keypt gamal hús - kallað Hillman House - með stórum garði sem allur var í órækt.... það er búið að taka þau 12 ár að koma garðinum í það horf sem hann er í nú...

Við höfum líka verið að vinna í garðinum  - og erum bara sátt við árangurinn - en eigum nú slatta eftir samt... en þetta er alveg ótrúlega gaman - og nú rignir fjandann ráðalausann - svo ég þarf ekki að vökva í dag..

O jæja - þá er bara að skreppa í Carusel og kíkka í búðir - góð afsökun þessi rigning...;°)..

Ferðalag "up north" og fleira...

Við Unnur tókum okkur til og keyrðum eins og kallað er hér "up north".. Við tókum nýjan veg, sem liggur meðfram ströndinni - alveg makalaust hvað landslag, gróður og hitastig getur breyst á ekki lengri leið, rúmir 400 kilómetrar.. Mér fannst við hafa keyrt yfir þvera Ástralíu, en þetta mælist ekki nema nokkrir sentimetrar á landakortinu.. Enda er Vestur-Ástralía stærri en  mörg lönd samanlögð.... 
Á leiðinni keyrðum við fram hjá snjóhvítum sandöldum, sem í fjarlægð litu út eins og stórir snjóhólar - þarna rennir fólk sér á "sandboards"  eins og við á Íslandi rennum okkur niður skíðabrekkur á "snowboards"...

...við vorum líka svo heppnar að rekast á Emu - sem var að vappa meðfram veginum - alltaf gaman að sjá dýrin í sínu náttúrulega umhverfi.

Næsta stopp var að skoða The Pinnacels, sem eru "limestone" súlur sem standa upp úr sandinum - furðuleg fyrirbæri...

Lake Thetis var næst á dagskrá - þar eru litli gígar á botninum - þetta eru kallaðir "Stromalites" - er bara ekki alveg nógu vel að mér til að útskýra þessi fyrir - en það er alltaf hægt að Googla það;°)...

Við keyrðum inn í Geraldton er langt var liðið á daginn - þar byrjuðum við á að renna niður á höfn, nema hvað... Endeavour lá þar við bryggju - en á því skipi kom fyrsti landnámsmaðurinn sem settist að í Sydney, cpt. Cook.. Engin smáfleyta þetta...



Hótelið sem við gistum á heitir Ocean Beach og er steinsnar frá ströndinni - bara huggulegt hótel þó stjörnugjöfin sé eitthvað skrítin - það er sagt 4ja stjörnu - en yrði tæplega talið nema 2ja stjörnu heima... svo sem ekki að marka það, þar sem við erum nú svo sérstök þjóð...

Við vorum í Geraldton í tvær nætur og skoðuðum okkur um - en aðallega vorum við bara afslappaðar og "easy going"...

Þegar við vorum að fara frá hótelinu eftir seinni nóttina, vildi ekki betur til en að stærðar járnhlið réðst á bilinn hennar Unnar og tók næstum hurðina af í heilu lagi... það tók til að losa þetta í sundur og skella hurðinni á sinn stað - en nú er ekki hægt að opna hana aftur...

Við enduðum svo dvölina í Geraldton á því að skoða minnismerki um ástralska herskipið H.M.A.S. Sidney II, en það var skotið niður af þjóðverjum í seinni heimstyrjöldinni fyrir utan Geraldton... Þar fórust 645 manns.... Margir hafa leitað að flakinu, en lítið fundist, samt eitthvað... Hjá minnismerkinu er stytta af konu sem horfir til hafs og bíður eiginmannsins.... Minnismerkið sjálft er líkan af stafni skipsins og svo hálfkúla með 645 fuglum - sem tákna þá sem fórust..

Við keyrðum sem leið lá til Northamton og Chapman Valley - á leiðinni rákumst við á safn um innflytjendur á þessum slóðum - við ákváðum að skoða - svolítið neyðarlegt var að þegar við komum inn og ætluðum að borga - konu sem var sennilega komin vel undir nírætt - þá leit hún á okkur og sagði: "...two seniors???" - sem þýðir: "...tveir eldri borgarar!!!".... maður ætti kannski að fara að líta í spegil annars lagið, svo maður átti sig á hvað langt er liðið á ævina...;°)...

Er við höfðum skoðað safnið og ætluðum út í bíl, kallaði á okkur maður sem var að bardúsa í garðinum, hann vildi endilega sýna okkur garðinn og endaði með því að við vorum með fangið fullt af alls kyns jurtum þegar við kvöddum.... svona gerist bara í sveitinni...

Við keyrðum framá alveg hreint undarlegt fyrirbæri - The Leaning Tree - það er tré sem hefur aðlagað sig rokinu á svæðinu og ákveðið að betra væri að vaxa bara eftir jörðinni....

Við höfðum ætlað að skoða áströlsk villiblóm á þessu svæði, en þar sem við vorum heldur seint á ferðinni, og blómin flest horfin - ákváðum við að koma bara við á "Wildflower Farm" eða Villiblómabæ... þar eru ræktuð alls kyns blóm - þau eru síðan þurrkuð og seld um allan heim í skreytingar..

Þegar við keyrðum frá bænum, flaug í gegnum hugann á mér - ferðalag okkar Steinu upp á Flúðir... þar reyndi mikið á þolinmæði dóttur minnar, en hún þurfti að hlusta á móður sína syngja "....þangað liggur beinn og breiður vegur..."  - þetta væri ekki svo slæmt, ef ekki væri fyrir það, að ég er gersamlega laglaus!!!  Svo Steina mín, þessi mynd er fyrir þig....

Við gistum næstu nótt í Moora sem er sérlega fallegur bær - ekta sveitabær...  Næsta dag ákváðum við að koma við í Benedictine klaustri - þar rakst ég á svolítið sem minnti mig sérlega mikið á Siggu frænku - I wonder WHY....;°)...

Þetta var alveg einstaklega skemmtileg og fræðandi ferð - og þó manni finnist í fljótu bragði, að landslagið sé allt eins - þá er það sko ekki rétt.....  maður sér alltaf eitthvað nýtt - inni á milli trjánna....

Ég er búin að búa til aðra síðu - fyrir allar myndirnar sem ég get ekki komið fyrir hérna... þið sjáið tvo "..tabs" efst uppi - annar er HOME - hinn er myndir...