Christmas is a time when you get homesick - even when you're home. ~Carol Nelson

Á Íslandi snýst allt um jólin á þessum tíma - en hér - ja hér er bara alls ekkert jólalegt... það eru skreytingar í búðum og út á götu - en það vantar eitthvað.... Það vantar rökkrið - snjóinn og kuldann - en mest af öllu - það vantar ungana mína... ég verð að viðurkenna að ég er með heimþrá núna - fá tilfinninguna fyrir jólunum - baka smákökur og laufabrauð með fjölskyldunni - skrifa jólakort og kaupa jólagjafir - kveikja á kertum og hengja upp jólaskraut... Jólin og undirbúningurinn á Íslandi er engu líkt - fallegur tími með ró og frið - ef maður leggur sig niður við að njóta þess....
Já - ég get svo sem látið mig dreyma heim - en ég er hér - Down Under - hef gott fólk í kringum mig - og ég verð bara að sætta mig við - að ÞAÐ SNJÓAR EKKI Í ÁSTRALÍU UM JÓLIN....;°)...
Þetta verður ný upplifun og maður hefur gott af breyta til -  kann þá líka betur  að meta það sem maður hefur....
Við Unnur fórum í "helgafrí" niður að strönd -- gistum á hóteli 2 nætur - og notuðum svo laugardaginn til að ramba í búðir og kaupa gjafir...

...risajólatré í einu "Mollinu" og jólasveinn sem tekur á móti óskum krakkanna .... þetta bara passar ekki við 30 stiga hita - allir á stuttbuxum og berfættir í töfflum...;°)...

...ég bara varð að taka mynd af þessum skóm - ÞÓRDÍS ÓSK - þetta er fyrir ÞIG....;°)...

Á sunnudagsmorgun fórum við niður að ströndinni - þar var allt fullt af fólki - enda hitinn farinn að stíga og stefna á 30° ...  Upp úr hádeginu kemur líka hafgola - eins og heima ....

 ... ég er ekkert hissa þó hákarlarnir ruglist á mannfólkinu og SELUM - allir í svörtum búningum - liggjandi á brettum... nammi namm....

.... "Baywatch" var á sínum stað - tilbúnir í að bjarga fólki sem ekki kann fótum sínum forráð...

 ... það var sundkeppni í gangi - fyrst var synt út að bauju og til baka - hlaupið upp ströndina og bretti sótt - síðan út í aftur og sami hringur - hörkulið...

...þetta voru bara krakkar - 14-15 ára virtist vera - en krafturinn og eljan - skipti engu þó öldurnar skelltu þeim áfram...

.... við skelltum okkur svo á handverks- og antík sölu í risastórri höll - og Guð minn góður - hvað það er mikið til af dóti....

... mér varð nú um og ó, þegar ég leit yfir borðin og sá hluti sem ég á sjálf upp í skáp heima - selda dýrum dómi sem antík!!!  .... ÉG ER SEM SÉ - ORÐIN ANTÍK....

Do not regret growing older. It is a privilege denied to many.....

Í gær, sunnudag, fórum við Sigurþór og Unnur með Hilmari og Söndru í "lunch" hjá Burmíska eldriborgarafélaginu... mikið gætu nú gamlingjarnir á Króknum lært af  þeim, þau hittast alla mánudaga og borða saman morgunmat/hádegismat, spila bingó, dansa línudans, syngja og spila.... Einu sinni í mánuði er svona "lunch" eins og við fórum í, þá er byrjað á að dansa pínu meðan maturinn er gerður klár, svo þegar búið er að borða er sungið og spilað á gítar.... Afgangurinn af matnum er svo seldur og ágóðinn gefinn til munaðarleysingja-heimila eða önnur líknarverkefni...

 ....þarna er Sandra hans Hilmars komin í banastuð að dansa línudans - meðan hún bíður eftir pottunum...

                                                 
                                            ....þrír "JÚNÍOR" eldri borgarar í aðlögun...

....þeir eru jafn glysgjarnir - gamlingjarnir hér og heima .... fæst orð bera minnsta ábyrgð um ágæti þeessarar borðskreytingar...

 ....þetta er svo kokkurinn - að selja afganginn - alveg hrikalega góður matur....

....það var farið í smá keppni - viskíflösku var stillt upp á gólfið - svo átti fólk að henda klinki í áttina - sá sem komst næst flöskunni - fékk hana - en ágóðinn fór í góðgerðarmálefnið...

....kórinn sem hélt okkur við efnið í söngnum - takið eftir konunni með gítarinn - þetta er aðaldriffjöðrin - komin langt yfir áttrætt - spilar samt á rafmagnsgítar - snillingur...

...við skruppum aðeins í bæinn eftir matinn - fórum í hverfi sem minnti mig mest á 101 Reykjavík - skrítnar búðir og skrítið fólk - eða alla vega öðruvísi...  Ég sá þessa stóla og þá rifjaðist upp fyrir mér að pabbi smíðaði svona stóla og mamma saumaði sessurnar - ferlega þægilegir stólar...

....ég hefði nú ekkert á móti því að eiga einn svona - væri flott á honum á Aðalgötunni....

....hér er matseðill á kaffihúsi í götunni - þetta eru "desertar" sem nefndir eru eftir hljómsveitum og ef þið kíkið vel þá sjáið þið nöfnin Eskimo Joe - en í henni spilar Nick hans Hilmars og Söndu - og svo Snowman, en í henni voru Olga og Ross... gaman að þekkja svona "frægt" fólk...;°)...

....við kíktum svo í Burnswood - þar er heljarinnar flott hótel og gígastórt spilavíti - því miður mátti ég ekki taka myndir í spilavítinu - en þessi mynd er úr andyri hótelsins svo þið getið ímyndað ykkur hvernig restin er.... 
...Við létum eftir okkur að prófa einn spilakassa - töpuðum 15 dollurum samtals - og ég var fljót að sjá að þetta er SKO ALLS EKKI fyrir mig - fiðringurinn í maganum sagði allt sem segja þarf - þoli ekki að tapa og yrði örugglega spilafíkill ef ég léti það eftir mér... betra að skoða bara myndir...;°)...

If you think you are too small to be effective, you have never been in bed with an ant.....

Í gær tók ég eftir maurum sem voru á fullu við að hreinsa borðið okkar út í garði - við höfðum skilið eftir brauðmylsnu og þeir voru ekki lengi að mæta á svæðið...

....samvinna er málið...

....framundan er rifan sem þeir nota til að fara í búið sitt...

....bitinn heldur stór fyrir rifuna....

....þessir klufu bara bitann í tvennt - snillingar...

..Við Unnur skruppum í bæinn - það var eins konar Carnival í gangi í einu hverfinu - svona eins og Lummudagarnir heima.... fleiri hundruð manns á ferðinni...  Sigga, þú ættir að þekkja þessa götu segir Unnur....



.... en samt tókst okkur að rekast bæði á Önnu og Kidda..... sætar mæðgur... náði ekki að mynda Kidda með...

...það var alls kyns dót til sölu og sýnis - hér hefur einhver tekið til í efna-og garndótinu sínu - og nýtt það til að prjóna utan um stólana - sniðug hugmynd...

....þennan sófa sáum við reyndar inn í einn búðinni sem var orpin - alveg hrikalega girnilegur .... get allveg ímyndað mér að kúra í þessum fyrir framan sjónvarpið...

....þessir voru að taka þátt í þraut - þar sem ná átti 5 eplum upp úr tunnu fullri af vatni... var hressandi fyrir þá, því það var assgoti heitt úti...

....rákumst á þennan - er að hræra í Paellu - engin smá panna og ilmurinn eftir því...

...þessi voru að mála manneskjur svo þær nánast hverfa inn í bakgrunninn...

...takið eftir klippingunni á konunni í röndóttu buxunum... útgangurinn jeminn eini...

...þessi mynd er sérstaklega fyrir hannyrðakonur - góð hugmynd til að nýta alla afgangana...

...ég bara varð að taka mynd af þessum bíl - eins og gamli Falconinn hans pabba - nema þessi er skelfilega skitugrænn á litinn - illa farið með fallegan bíl...

....og svo er bara að fara að skella á grillið - góður dagur að kvöldi kominn...

Discover wildlife: be a teacher!

Það var ömmu og afadagur í skólanum hjá Unni í gær, og að sjálfsögðu mætti ég á svæðið... krakkarnir tóku á móti manni og buðu okkur velkomin í skólann sinn... Svo sungu þau fyrir okkur og loks buðu þau upp á te og kökur... bara gaman - þó svo að ég blóðöfundaði ömmurnar sem fengu knús frá barnabörnunum - guð hvað ég saknaði minna...

 ...þarna er Unnur með krakkana sína fyrir aftan sig...

...ég ákvað að nú væri tími  til að reyna að fara að "bútast" eitthvað - Unnur á fjörgamla Bernina  saumvél - saumar bara áfram - eða ég hef alla vega ekki fundir afturábak takkann á henni - en sporið er fínt og þó hún hafi ekki "yfirflytjara" eins og Pfaff vélin mín - þá gerir hún sitt gagn -  ég verð bara að VANDA mig meira - sauma  hægar - sem er ágætt fyrir mig - alla vega segir Finnur að ég sé alltaf langt á "undan" sjálfri mér...:°)...
Nema hvað - ég skrapp náttúrulega í  búðaleiðangur - vantaði  efni og svoleiðis - og þá keyrði ég framhjá þessu götuskilti....

...er einhver sem þekkir einhverja Gunnu Matta - það er nefnilega í tísku hér að STELA götuskiltunum...  er að spá í að taka rúnt og vita hvort ég finn ekki Johanna street....
Svo nú er ég: "ein sit ég og sauma - enginn kemur að sjá mig..." ;°)... allar jólagjafir heimatilbúnar þetta árið...

Weekends don't count unless you spend them doing something completely pointless. ~Bill Watterson

.... akkúrat eins og segir í fyrirsögninni - helginni var eytt í að gera eitthvað alveg "pointless" - bara hafa gaman af að vera til...

 Á föstudaginn bjó ég til þessa líka fínu "ostaköku" - smakkaðist nú frekar eins og súkkulaðimús - en hvað um það - hún var bara góð á bragðið - með súkkulaði og kirsuberjum - slatti af rjóma með og allir sáttir...
Þetta var rigningahelgi - svo ekki mikil garðvinna í gangi hjá okkur Unni - en Sigurþór er þess mun duglegri - nánast búinn að gera sundlaugina klára - búinn að rífa upp allt illgresið sem ég var búin að humma fram af mér að gera... duglegur strákur...

 Á sunnudaginn ákváðum við að skreppa á útimarkað - undir þaki þó - þar var allt til sölu - frá ávöxtum upp í traktora - gamalt og nýtt... en ég er  algerlega búin að missa viðleitnina til að kaupa dót - geng bara um og skoða - sé eitthvað sem mig langar ROSALEGA í - en svo - hvern fjandann hef ég að gera við þetta dót - ég á EKKERT nema dót!!!  - svo ég labbaði út með einn lítinn smekk - bara  varð að kaupa hann handa Rúnu - á honum stendur: Don´t make me call Grandma...;°)... hí hí...

Við ákváðum svo að fara bara upp í sveit í "lunch" - fundum þennan frábæra litla stað - sveitabær þar sem framleiddir eru alls kyns ákvextir og úr þeim gerðar sultur og Cider sem einverra hluta vegna var bannaður fyrir MIG... hann var eitthvað yfir mörkum í áfengismælingu - svo ég fékk BARA eplasafa með ginger - sem var sennilega líka mun betra...;°)... og að sjálfsögðu voru keyptar sultur...

 ...þessi auglýsing var fyrir utan veitingastaðinn - góður húmor hjá bændum....  og ekki var hann síðri á matseðlinum - bendi ykkur á að lesa NEÐSTU línuna... That´s the way to do it.... vinsamlega komið þessu á framfæri við íslensk veitingahús...;°)...

 ...veit ekki alveg á hvað þau voru að horfa - en finnst líklegt að ég hafi staðið í veginum fyrir að þjóninn gæti borið á borð og hann eitthvað verið að klaga í mannskapinn - heyrnarlaus hvað....

....tvær góðar saman - alveg yndisleg stelpa hún Anna...

 ...ég bara varð að taka mynd af þessu farartæki  - hef ekki glætu hvaða sort þetta er - enn OMG - myndi ekki láta sjá mig dauða í þessu - jæja og þó - ef Steina mín væri með - minnir á ferðalag til Álandseyja hér um árið...;°)..

...við keyðrum framhjá stað þar sem skógareldur hefur farið yfir  - svolítið "krípí" að sjá þetta... og kannski er þetta það sem ég fæ að upplifa í þessari ferð minni ....

 ...þessir eru svo yndislegir - komst bara ekki nógu nálægt - svo myndin er ekki alveg skýr - já þeir eru "ASNA"legir þessar elskur - en vinalegir...

 Unnur keypti jarðarber á markaðinum - og þegar hún opnaði öskjuna kom þetta líka risa jarðarber í ljós - ORGANIC eða sterar - já maður spyr sig... en þau eru fjandi góð á bragðið ...

Og svo kom mánudagur - Unnur og Sigurþó farin í vinnuna - ég er búin að þurrka af og gera húsverkin að mestu - bræddi að vísu úr ryksugunni - svo ég verð að bíða eftir að Sigurþór komi úr vinnunni - til að laga hana...

Og ég er komin með gömlu saumavélina hennar Unnar upp á borð - nú er bara að sjá hvort hún virkar  sæmilega og hella sér svo út í bútasauminn - jólin á næsta horni - og mig vantar jólagjafir...